Springrid

Vinterferie-sukk

Resultatet etter fem dagar med retting er veldig skuffande: 9 oppgåver er ferdige, 7 står att. Eg skjønnar ikkje kvifor alt tar så mykje lenger tid enn eg trur.

Og det er ikkje det at eg har feriert så veldig heller, eg kunne til eksempel godt tenkt meg å rusla til byen ein dag og drikka ein latte, kanskje kjøpa noko fint, men nei. Eg har site med arbeidet og arbeidd treigt.

Og no er ferien over.

Same kan det vera, eg stikk på trening. God helg!

Vekeslutt

Eg har vore dårleg på blogging heile ferien, beklagar til dei som eventuelt les meg og ventar spente. Denne veka har eg vore på Vestlandet. Her er den litt lettare treningsveka mi (ferdig med den i dag), der eg kviler i form ein muleg vond akilles. Akkurat den har eg ikkje kjend noko til, men i dag er det kanskje noko med ei sene i den andre foten. Skal finna ispakke etterpå, for no har eg sett meg i sofaen.

• Tysdag: lett 5 km. Vondt i magen heile tida, men gjennomførte på 32 minutt.
• Torsdag: lett 6 km i skogen. Veldig kjekt.
• Laurdag: 5 km pace. Slitsomt, eg skulle liksom halda 11,5 km/t (maks, og minst 11 km/t), men halvveges var snittfarta mi 12,8, og til slutt var den 11,8. Vanskeleg det der.
• Søndag: 14 km langkjøring. Tungt etter gårsdagen, men det gjekk som planlagt.

Gler meg til neste veke:)

På tur

No er vi i Kragerø :) I dag har eg sprunge, svømt, sykla og fiska. Treninga går som planlagt, vi får truffe så mange kjekke folk, og vi får utruleg mykje god mat overalt. Skal skriva meir seinare. I morgon tidleg blir det intervallar i motbakke. Her tar dei tida på gjestene :)

Ferietur nr. 1: Sunnmøre

Vi har nett kome heim frå hyttetur med fine vener på Strandafjellet :D Tenkte eg kunne posta nokre nasjonalromantiske turbilete. Vi køyrde frå Trondheim via Dombås og Lesja til Trollstigen, der vi stoppa og gjekk ut på kanten og kikka ned:

Etter Trollstigen —> Valldal tok vi ferje Liabygda-Stranda. Det var ei herleg hytte vi skulle få bu i, og vi kosa oss veldig. På laurdagen gjekk vi tur frå ei seter (Liasætra) og inn i retning Patchell-hytta, som ligg ved foten av Slogen (som og var namnet på eit lokalt mikrobrygg som kjærasten likte godt). Det var strålande sol og varmt.

Når vi kom over tregrensa, var det ganske mykje snø over det meste av fjellet, så det var litt vanskeleg å gå på for dei som ikkje hadde fjellsko. Då åt vi matpakkene og snudde. (Vi hadde eigentleg tenkt å gå via hytta og ned til ei bygd som heiter Øye.) Dette blei ein tur på ti kilometer og tre timar. Setra der vi starta turen hadde slike fine kyr:

Dagen etter tok vi ein gondol opp til toppen av Roaldshornet der vi kunne sjå utover bygda og innover Storfjorden.

Frå toppen gjekk vi ned ein liten bakke, og der var det ein afterski-plass. Eg fekk ein is. Sjekk brøytekantane. Framleis greitt med snø øvst i løypene, men litt kjedeleg at ein ikkje kunne ståttt heilt ned til heisen.

Litt kaldt òg, ja. Seinare på dagen sprang eg og kjærasten ein tur eit stykke opp i den dalen vi var i dagen før for å skaffa materiale til eit byggjeprosjekt som de kanskje skal få sjå seinare.

Elles bada vi i stamp og åt mykje god mat. I dag køyrde vi same veg heimatt, og stoppa mellom anna ved Trollveggen. Det er så sprøtt å tenkja på at folk både klatrar opp og hoppar ned her! Det skal finnast ni ulike klatreruter, ser du dei?

Så inviterte vi oss sjølv på middag til tante i Oppdal. <3 Det er ein super ferie så langt! :)

I dag er første dag i halvmaratontreningsprogrammet. Det skal eg skriva om i morgon. På planen står det “stretch and strenghten”, men det er litt seint no. Kan tøya litt, men det blir vel viktigare å tøya godt om måndagane etter kvart som det blir lengre turar søndagane.