Springrid

Har framleis tid til å laga mat og trena :)

Søndag: kyllingfilet med omnssteikte rotgrønsaker (potet, gulrot, kålrot, raudbete, sellerirot, lauk og kvitlauk).

Måndag: Purredampa laks med gulrot og potetmos.

Tysdag: kyllingbollar i karrisaus med lauk, tomat og ris.

Siste veka i semesteret

Då er pinsehelga overstått, og vi har snekra, hamra og banka frå fredag til måndag kveld. Veldig kjekt, veldig fint vêr, ingen naboklagar :) og no står boden der.

Langkjøringa blei utsett ein dag, til i går altså, og då sprang eg roleg, og det var tungt, og eg merka at eg var sliten etter byggjearbeidet. Eg bestemde meg for å springa berre 5 km x 2 på den treige måten. På runde to gjekk det lettare, og eg tenkte å kanskje utvida den til 7 km, men så oppdaga eg at eg var sulten, og sprang berre heim:

• 10 km på akkurat ein time.

Denne veka gjer eg som sist, og planlegg masse trening. Førre veka var det berre styrke B som gjekk ut, og det var greitt.

Her er ein kjapp kvardagsmiddag i eksamenstida (som eg fekk servert i går): Laks og wokka grønsaker (lauk, vårlauk, paprika, gulrot, squash og litt glutenfri soyasaus) med ris og søt chili-saus. Tar berre eit kvarter (riskokinga tar lengst tid), og inneheld masse bra:

• paprika har masse A- og C-vitamin
• gulrot har betakaroten som blir til A-vitamin i kroppen (og gir deg farge i sola, kanskje?) men òg ein del kalium og jern
• squash er stort sett vatn, men litt jern og A-, B- og C-vitamin
• lauk har ein del antioksidantar
• laks har A-, B12- og D-vitamin, folat og selen, og masse sunt fett, mellom anna marine omega 3-fettsyrer som gir betre koblingar mellom hjernecellane, og det treng eg no altså (eksamen neste veke)
• ris for å bli mett, for å få fylt opp med glykogen inn i musklane, og fordi magen min veldig gjerne vil ha stivelse saman med grønsakene :)

(kjelde: frukt.no og godfisk.no)

Kvardagsmat

Laks med potet, fennikel, raudlauk, agurk og laktosefri lettrømme.

Ytrefilet av svin med potetmos, asparges og reste-fennikel+lauk

Glutenfri spaghetti med mager svinekjøttdeig, tomat, gulrot, chili, lauk og kvitlauk.

Ytrefilet av storfe med tomat, avocado, salsa og ris.

Den siste dagen var vi i middagsbesøk og fekk servert nydeleg bacalao :)

tl;dr? Denne veka blei det fisk to gonger, svin to gonger og ein liten biff. Burde vera bra å trena med dette innabords, tenkjer eg.

Kvardagsmat

Nokon har ferie, masterstudentar not so much, så difor blir det ein kvardagsmatpost denne veka òg.

Penne con ragú, frå dette rema-oppskriftsheftets side 10. Det var kjempegodt med kanel til kjøtt, faktisk!

Thai-kylling-wok med restekylling og kyllingkraft frå søndag, raud lauk, gulrot, chili, ingefær, bønnespirer, kokosmjølk, cashewnøtter, og risnudlar.

Laks panert med sesamfrø, wokka grønsaker og ris.

Gjestemat: lammesteik med rotgrønsaker, og ein whisky-fløytesaus som ein av gjestane laga, og det var veldig godt, og veldig kjekt :)

Kvardagsmat, veke 9

Utfordring: lag passeleg ernæringsmessig bra middagar frå botnen (stort sett) som er klare på under halvtimen, dag etter dag:

Kyllingfilet, “standard-salat”, ris, og saus. Her er det ein Bretagne Kyllingsaus frå Toro, (den er faktisk glutenfri, som ein av få posesausar) og så er den sprita opp med ananas.

Laks, fennikelsalat med sitronsaft og reddik, og potet- og pastinakkmos. Det gjekk kjemperaskt! Salaten er sprø og fresh, og mosen er mjuk og snill. Magen min elskar potetmos.

Veggis-chili: Lauk, kvitlauk, raud chili, gulrot, raud paprika, tomater, raude bønner. Mild guacamole, og laktosefri lettrømme. Den blei betre jo lenger den fekk stå på lav varme (eg åt den til vanleg middagstid, medan kjærasten var på reise, og han fekk den til kvelds, og då var den veldig god - eg tok litt òg).

Wok: ytrefilet av svin, lauk, kvitlauk, gulrot, grøn paprika, squash, glutenfri soyasaus og ris. Vekas kjappaste: 20 minutt frå start til servering.

Eg treng eit kurs i matfotografering, altså…

Å, det er superkjekt med helg! ..sjølv om eg bør jobba litt med masteroppgåva i dag. Det er kjekt med ein treningsfri dag òg. Eg kjende mellom anna torsdagens knebøy ganske mykje under økta i går, som var ein sånn 3-4 x 12 av ganske mange øvingar, nokre større, som bulgarsk utfall og militærpress, men òg ein del mindre, som tåhev og push-downs og sånn, litt for å sikra at ein har vore gjennom det meste i løpet av veka. Eg har byrja tenkja på sesongstart, og gler meg til snøen og isen forsvinn. Då blir det meir springing, og så skal eg skaffa meg eit (nytt) styrketreningsprogram som passar til dét.

Dette har vi ete i det siste:

Laks etter denne oppskrifta, der couscous er bytta ut med quinoa, som i i motsetnad til couscous er glutenfri, og rik på protein, og rik på mineral, spesielt fosfor, magnesium og jern (kjelde: Wikipedia).

Kyllingwok med lauk, chili, kål og gulrot, litt glutenfri soyasaus, og ris.

Pizza med raud lauk, grøn paprika, mild tacosaus, mager svinekjøttdeig og ost. Har slite litt med å finna ei bra oppskrift på pizzadeig, men kjem til å satsa på denne frå Semper heretter (225 grader i 20 minutt):

• 25 g tørrgjær
• 1 ½ dl lunka vatn
• 2 ss olivenolje
• ½ ts salt
• 4 dl Semper-miks, fin eller (helst) grov (men det var vi tom for i går)

Har trena! Ingen var spesielt motiverte for å dra på trening, men det kom seg veldig etter kvart! Det blei mange øvingar (hemmeleg vekt - eg synest eg løftar så lite når eg skal klara heile 12 repetisjonar, men legg på nok til at eg berre klarar maks tolv):

• 4 x 12 sittande roing
• 4 x 12 nedtrekk
• 3 x 12 flies i maskin, og 3 x 12 brystpress i maskin, i supersett
• 3 x 12 pushdown med tau
• 3 x 12 sidehev og 3 x 12 fronthev, i supersett
• 3 x 12 bicepscurls
• 3 x 12 goblet squats
• 3 x 12 tåhev (litt amputert, sidan ein tok benken eg stod på tå på mellom to sett, og eg måtte fullføra på golvet —> rørslebanen blei redusert med nesten 90 grader)

..og det var kjekt :)

(Til middag fekk eg nydeleg, omnsbakt laks med salat og kokte poteter, og laktosefri lettrømme til saus)

Dette er det som er til middag i dag: Laks, ratatouille, potetmos. Bildet er frå bloggen Alt godt, der du finn ei oppskrift på ratatouille. I min (til to personar) vil eg ha:

Olivenolje, ein raudlauk, litt kvitlauk, ein halv grøn squash, ein halv aubergine, salt, peppar, ein boks hakka tomat, og basilikum.

Laksen skal steikast i panne med sitronpeppar, og potetmosen skal få litt parmesan slik den nemnte bloggen føreslår.

Styrketrening i kveld:

• Oppvarming
• Sittande roing, 4 sett a 4-6 reps (vekta er hemmeleg inntil vidare)
• Nedtrekk, 4 x 4-6
• Knebøy, 4 x 4-5 (i maskina som held vektstanga oppe mellom setta, det likar eg)
• Rygghev, 4 x 12 (med vekt i hendene, i skråbenken der oklane sit fast og overkroppen heng fritt)
• Utfall med manualar, 4 x 12 (av typen silly walk fram og tilbake mellom apparata)
• Kabel-kryssover, 4 x 6-8 
• Skulderpress med manualar, 12 + 10 + 9 + 9 

…og det var kjempekjekt!

Til middag fekk eg ovnsbakt laks med raud og kvit lauk, grøn salat og kokt potet med laktosefri rømme. Alt perfekt tillaga, og servert med kjærleik. <3

(omtrent sånn. Bildet er frå http://bagateller.com/2008/08/26/studentmiddag-laks/ )