Springrid

Sommarmat

No har eg hatt fri i to veker (wow, tida har berre floge). Det har vore litt varierande vêr og sånn, men det har uansett vore kjekt. Til eksempel har eg hatt god tid til å laga mat. Her er tre ting som blei skikkeleg bra:

Salat med quinoa kokt i eplejuice, avocado, tomat og kjøttbollar (mager svinekjøttdeig, ein neve glutenfritt brødrasp, eit egg og krydder), med parmesan og dressing av kvalitetsolivenolje og lime.

Glutenfri spaghetti med røykelaks, tomat og fennikel, saus av lauk, kvitlauk, kremost med urter og laktosefri matfløyte.

Torskefilet med serranoskinke, poteter med pesto og tomatar.

Elles har det blitt mykje trening, jobbsøking, hus- og hagearbeid, snekring og maling. Håpar eg får ein jobb snart.

Dette var drivstoff for dagens langkjøring:

• 1,25 dl glutenfri havregryn
• 2,5 dl laktosefri lettmjølk
• pittelitt salt

Kok i mikroomnen på full styrke i tre minutt, rør rundt og kok i to minutt til. Perfekt kvar gong! Denne er toppa med 2 ts blåbærsyltetøy, og ein neve store blåbær som var på tilbud på Rema.

Eg synest det er best å trena 1,5 - 2 timar etter frukost eller etter middag, alle andre tidspunkt har store ulemper (som: ikkje lenge nok sidan mat, for lenge sidan mat, for lite mat, eller for mykje frukt (etter lunsj)). Dette har eg for lengst kome fram til etter prøving og feiling. I og med at eg tok disse forhandsreglane, lét magen min meg gjennomføra ein time på tredemølla i fred og med stil. Veldig kjekt.

Tempoet var ikkje så høgt, men jamnt, og med super intensitet (i-sone 2, litt i låg i-sone 3). Etterpå tok eg 3 x 12 goblet squats og 3 x 12 tåhev, og eit knippe mageøvingar.

Eksempel på etter-treningssnack (dagens): eit stort glas laktosefri sjokomjølk, ein banan, tran, ein neve nøtter.

Søndagsmiddagen blir kylling, brokkoli, ris og saus. Har trena fire gongar denne veka! (…og ete godt, som alltid. Vil gjerne understreka at det er viktig med rett og nok påfyll!)