Springrid

Framgang

På trening i går gjorde eg dette:

• knebøy, ( 2 x 5 + 2 x 4 ) 48 kg. Neste gong skal eg klara 4 x 5!
• skråbenk, ( 2 x 5 + 2 x 4 ) 14 kg x 2. Same som over, siktar på 4 x 5 snarast.
• markløft, 4 x 5 x 58 kg. Det er ein milepæl, synest eg, å løfta sin eigen kroppsvekt. Det gjekk veldig bra, men det siste settet var tungt, og eg måtte jobba for å behalda spennet i ryggen.
• omvendt roing, 2 x 5 + 2 x 5. Dei første to setta hadde eg beina på ein step, og dei siste hadde eg beina på golvet. (Det er tyngre å ha beina høgare). Kanskje tre sett på step neste veke?
• nedtrekk, 4 x 4 x 40 kg. Det var lenge sidan eg hadde tatt nedtrekk, og eg har visst auka ein del. Lurer på om det er fordi maskina på SiT Portalen er betre smurd enn den på SiT Gløshaugen :P
• dips, 4 x 5 x -15 kg. Det synest eg blir lettare for kvar gong, sjølv om det er ei tung øving for meg, så eg får vel auka her òg, og prøva med -10 kg neste gong.

Ein liten statusrapport, det her, altså. Kjempekjekt med målbar framgang.

Fullt på SiT, igjen

• 5 x 4 skråbenk med manualar - eg klarte ikkje 5 reps, så då blei det 5 sett i staden, det var vel lurt? (veit ikkje). 14 kg per arm! Tjohoi!
• 5 x 5 omvendt roing. I smith-maskina. Ganske vassrett. Må snart starta med beina på benk, tenkjer eg :)
• 4 x 8 djupe knebøy, òg i smith-maskina. Eg overvurderte visst vekta på stanga - det stod jo 10,9 på enden, men den er som ei fjør. Vanskeleg å vurdera kor tungt det eigentleg var. (Ikkje skryting, eg lurer seriøst på vekta der)
• 4 x 5 pull-ups og 4 x 5 dips, i supersett. Maskina var populær, og eg skunda meg skikkeleg.
• 3 x 12 rumenske markløft. Eg fekk aldri sjans til å ta dei med skikkeleg stang og tunge vekter, og måtte ta ei av dei små, fastsveisa (den tyngste dei hadde, men likevel :P )

Rekkjefølgja her er ikkje optimal, og styrt av tilfelle. Det er jo så mykje folk overalt på SiT sine treningssenter! Vurderer nesten å bli rik og trena ein annan plass. Men korleis skal ein då få vita kva musikk som er kul? Har SATS og Elixia litt sånn p4-lyd, eller er det berre fordommane mine?

I dag laga eg spinatsuppe. Den blei kjempegrønn, og smakte… grønt og tørt. Eg gjorde det slik: varm gryte, olivenolje, ein halv pose spinat, purre, kvitlauk, muskat (ops, for mykje), salt, peppar, kyllingbuljong, pinjekjerner, laktosefri lettrømme, stavmiksar. Det burde vore godt. Lurer på kvar det gjekk gale. Kan ha vore muskaten.

Så lurer eg på om måndagstrening på idrettsbygget må utgå, for det var altså så håplaust mange der i går. Og det er jo kjekt at folk trenar! Og mange såg veldig målretta ut, til eksempel var det tre ulike grupper som brukte dei tre knebøyracka til alle slags flotte øvingar i godt over ein time. Neste veke trur eg timeplanen må endrast, og i mellomtida skal eg ta knebøy i morgon. I går blei det, i tillegg til mykje venting,

• nedtrekk (ikkje pull-ups), 3 x 8 x 33 kg + 5 x 40 kg
• 4 x 5 x (12 kg x 2) i skråbenk (eg sa jo sist at det kom til å gå!)
• strake markløft (2 x 8 x 45 kg, ei av vektstengene som ikkje var opptatte) og
• vanlege markløft (3 x 5 x 45 kg), og markløftteknikken kjem seg, no treffer stanga leggane i staden for knea, og det er framgang, så vidt eg har forstått er det akkurat der den skal.

Langkjøringa i går var oppløftande: eg haldt same tempo som sist, men var i i-sone 2 heile timen, og det kjendest veeldig roleg. Det tyder på at farta kan auka neste veke!

Etterpå laga vi graut, risengrynsgraut, ein laurdagsfavoritt. Det går heilt utmerkt å laga graut av den laktosefri mjølka, viss nokon lurte på det.

Intervalltrening: tohundremeters intervallar.

Same opplegg som sist, 4 x 5 x 200 m i 12,2 km/t, men med mykje kortare aktiv pause mellom både drag og sett. Det er òg progresjon! Beina blir sterkare, merka eg. Det var supergreitt å springa i dag. Dessutan ganske greitt å gjera sånne intervallar på mølle, for då kan ein passa på å halda farta, noko som kan vera vanskeleg på bane, iallefall når ein ikkje er vant.

Elles kan eg nemna at havregraut med blåbærsyltetøy til frukost var ein vinnar, og at eg likar den nye trenings-T-skjorta mi kjempegodt, den kjennest kald og tørr heile tida: