Springrid

Anbefaling

Når det er berre meg til middag og eg har vore lenge på jobb, kan det vera greitt å laga noko kjapt. Då blir det gjerne omelett eller torsk, eller noko endå enklare. Sarita lagar dei einaste ferdigrettane eg kjøper. Dei er gode, glutenfrie, har passe store (les: store) porsjonar og greitt innhald av proteinar, og dei smakar såvidt eg veit ganske skikkeleg indisk.

Dei ser så klart ikkje heilt ut som på biletet når dei kjem ut av pakken, men ein kan jo pynta sjølv viss ein gidd. I dag blei det litt ekstra hermetiske kikerter, laktosefri yoghurt naturell og persille, saman med heilt obligatorisk dryss av vedlagd chilipulver.

Eg fekk masse energi til treningsøkta, så no er eg oppe att på 27,5 kg i skulderpress, og så klarar eg to fleire chins med lilla gummistrikk enn for to veker sidan. Så på den fronten er det stor framgang, kjenner eg, og no blir det snart ein skikkeleg chin-up på meg utan hjelpemiddel. Kor snart? Eg veit ikkje, det kan ta ei veke eller eit halvt år eller meir, men det er ikkje så farleg, eg er i gang.

Hei! Eg er her. Det er berre litt hektisk.

På søndag hadde eg ei fantastisk økt på tredemølla. Eg fekk sett herrestafetten i NM medan eg sprang i passe roleg tempo i litt over ein time. Det var herleg medan det stod på, men eg blei kjempestøl i leggane og akillesen blei overraska.

På måndag hadde eg ei ikkje mindre fantastisk styrkeøkt (B-programmet) der eg for første gong i år kjende meg ganske sterk. Eg har tenkt å lukkast i tilsvarande grad med A-programmet i kveld.

I går (tysdag) tok eg med treningsklede på jobb for å få sprunge intervallar på mølle etter jobben, men det blei aldri noko av sidan dagen gjekk i eitt frå åtte til halv fem (som vanleg) og så måtte eg ha middag. Eg skal ta det att i morgon.

Elles kan eg melda om tett snøvêr og godt håp om skiføre i helga.

Treningsrettleiing

Eg har blitt 3T-medlem. Det er med litt kimsing at eg godtar å betala for eit aerobic- og zumba-tilbod eg ikkje har tenkt å nytta, men jobben min sponsar medlemskapen, så det går opp i opp. Og eg har jo høve til å gå på timar om eg ønskjer det, kanskje litt yoga hadde gjort løparbeina godt?

Eg fekk ein sekk og tilbod om treningsrettleiing, og i utgangspunktet takka eg nei til det siste, men då eg og kjærasten troppa opp på senteret om kvelden, bestilte vi ein time til teknikksjekk av knebøy, markløft o.l. Det kan jo alltids vera greitt å vita at ein er på den rette sida av øvinga og ikkje skader seg.

-OK, sa dama, og gav meg eit kort der det stod “programtime” klokka sånn og sånn to dagar seinare.

Kva tyder dette, diskuterte vi. Innan timen kom, var vi vel begge litt urolege for at det skulle komma ein heller svær fyr og måla oss opp og ned og deretter gi oss eit nybyrjarprogram med hovudvekt på biceps og triceps, 3x15-20.

Denne frykta var grunnlaus. Trenaren som kom var ein over snittet triveleg og kunnskapsrik ung mann. Han spurte kva vi ville, og vi sa at vi ville halda fram med Starting Strenght.

-Kjempebra program, sa han, og bad oss starta med å visa han korleis vi tok knebøy. Og eg skal ikkje leggja skjul på at eg fekk litt skryt både for den og markløften. Han kom med gode tips, og viste oss korleis ei lita endring i fotstillinga kan gjera teknikken anten betre eller verre. Det var ein veldig interessant time!

Det var faktisk veldig kjekt å få stadfesta at teknikken sit og at eg kan jobba vidare med dei store øvingane. Og det var fint å få (delvis) avkrefta ein myte om dei kommersielle sentra.

I dag: bilverkstad, planleggingsdag, bilverkstad, middag, trening, songkor. Det kjennest travelt, men det er OK. Nett i dag er eg ajour med alt.

No er eg oppe att på det nivået av styrke eg hadde før halvmaratonsesongen, og så får vi sjå kva slags fantastiske ting som ventar denne gongen.

• gåing, 3 km x 2 (= ein time til saman)
• skulderoppvarming/rehab (det hjelper på musearmen)
• knebøy 3 x 5 x 45 kg
• ståande skulderpress 3 x 5 x 27,5 kg
• pendlay-roing 3 x 5 x 30 kg

Fine, til dels kalde ting

Hei måndag! Studier, jobb, trening, middag. Rart at det kjennest så mykje ut! Det er framleis snø og kaldt, og her er vekeplanen min:

Så det er framleis mest vekt på styrketreninga (heilt bokstaveleg), men eg vil vil vil gå på ski ein eller to av dagane! Skikkeleg blåswixføre i marka:

(foto: Tor Asle Kleveland, frå adressa)

I dag gler eg (mellom anna) meg over

1. nok ei trening med auka vekter (bøy: 43,6 kg, mark: 62,5 kg, benk: 33,6 kg)
2. større, stilegare og betre jobb på g!
3. grove fiskekaker i glutenfri hamburgerbrød med ketsjup og salat
4. at det finst ein parkas for meg der ute (må berre finna den)
5. denne medaljen frå fitocracy:

Bloggbursdag!

Torsdagstrening

I earned 860 points for my workout on Fitocracy!

• Running +23 pts

  • 0:04:00 || 0.6 km (+23 pts)

• Shoulder Dislocation +5 pts

  • 20 reps (+5 pts)

• Cable External Rotation +24 pts

  • 3 kg x 12 reps (+12 pts)
  • 3 kg x 12 reps (+12 pts)

• Barbell Bench Press +219 pts

  • 20 kg x 10 reps (+54 pts)
  • 32 kg x 5 reps (+55 pts)
  • 32 kg x 5 reps (+55 pts)
  • 32 kg x 5 reps (+55 pts)

• Barbell Squat +237 pts

  • 20 kg x 10 reps (+54 pts)
  • 38.6 kg x 5 reps (+61 pts)
  • 38.6 kg x 5 reps (+61 pts)
  • 38.6 kg x 5 reps (+61 pts)

• Barbell Deadlift +296 pts

  • 40 kg x 5 reps (+62 pts)
  • 50 kg x 5 reps (+72 pts)
  • 55 kg x 5 reps (+78 pts)
  • 60 kg x 5 reps (+84 pts)

• Plank +54 pts

  • 60 sec (+27 pts)
  • 60 sec (+27 pts)

• Stretching +2 pts

  • 0:10:00 (+2 pts)

I dag var ein B-dag. Det går ganske greitt med Starting Strength så langt! Eg har auka i alle øvingane kvar gong hittil, med unnatak av ståande skulderpress med stang som er i A-økta, den er tung, og eitt kilo ekstra har alt å seia.

Kva har du trena i dag?

Starting strength

Denne veka blir fin, håpar eg, masse jobbing, og så skal eg straks i veg og gi blod for første gong (viss dei framleis vil ha meg, då). Ganske spent på det, faktisk, særleg sidan eg må kvikna til og undervisa i norrøn prosa etterpå. Eg kan ikkje trena i dag (viss det blir blodgiving), så her er veka mi:

På dette styrkeprogrammet trenar eg tre gonger i veka, og så er det to ulike økter:

A:

• Knebøy 3 x 5
• Ståande skulderpress med stang 3 x 5
• Pendlay-roing 3 x 5

B:

• Knebøy 3 x 5
• Benkpress 3 x 5
• Markløft 1 x 5

Enkelt og greitt! Då aukar eg vektene så ofte eg kan, dvs. når eg klarar ei vekt for 5 reps og 3 sett.

Før arbeidssetta (dei tre, eller eitt i markløft) blir det minst eitt oppvarmingssett (stort sett berre med stanga no, eller med 40 kg for markløft), og før det att blir det dynamisk oppvarming for knebøy og for skuldre (kanskje eg kan seia litt meir om det ein annan gong), og før det att blir det generell oppvarming, altså fem minutt med springing, roing eller noko anna.

I tillegg har eg bestemt meg for å klara ein chin-up så fort som muleg og helst før jul, så det øver eg på to gonger i veka etter det ovannemnte, og så trenar eg litt planke og sideplanke minst ein gong i veka.

Så treninga tar alltid meir enn ein time, sjølv om det ikkje ser slik ut av programmet, men den tar ikkje så veldig mykje lenger tid enn det.

Det gjekk fort, der var både haustferien og helga over. Sidan sist har eg vore på ein tur til Lillehammer og gjort litt forskjelleg her i byen. Er ganske trøytt no, så eg tenkte berre å si hei eller noko.

Denne veka har eg trena 3 styrkeøkter som planlagt. Løpinga i dag gjekk ut pga tre timar hagearbeid (skifta dekk, kasta resten av dei visne blomane og redda nokre inn i kjellaren, raka lauv og bar alt bort der vi hiv hageavfall osb.).

På Lillehammer blei det inngått eit veddemål. Hovudspørsmålet er om kjærasten min slår meg med fem minutt eller meir i det neste halvmaratonet vi spring i lag. Det var ein del som hadde trua på at eg ikkje let meg slå (med så mykje), og det er motiverande å tenkja på! Ikkje noko meir skipping av planlagde turar frå no, og meir planmessig springing heretter. Det er jo så kjekt å ha ein plan.

Men denne sesongen (fram til jul, i alle fall) har eg fokus på styrkeauking. Eg har starta på ein versjon av Starting Strength-programmet. Korleis denne versjonen er kan du lesa om her, på fitnessbloggen. Eg skal fortelja meir om det etter kvart.